[东方报]英聯盃：客W太熱般尼大盤有機可城[09-26]

十七号

英聯盃第3圈除咗英超內鬥好睇，仲有一場值得留意，由曼聯名宿史高斯、加利尼維利等共同擁有嘅英乙球隊沙福特城，就會主場挑戰般尼。般尼上場英超踢得好但輸畀曼聯，今場實搵「同系」球隊出氣，不過般尼後防亦麻麻，客W太熱倒不如玩2.5球入球大好過。（周三凌晨2時45分開賽）

沙福特城5場失11粒
沙福特城喺2014年由曼聯「92黃金一代」收購後，由非聯賽打起，經過幾年打拚上到英乙，可以參加英聯盃。今屆首圈起步，先後2比2及1比1打和英冠嘅普雷斯頓及列斯聯，再以互射12碼晉級，嚟到第3圈遇上英超球隊，當然繼續以其打不死精神應戰。不過自英聯盃第2圈後，沙福特城連續5場輸波，球隊狀態麻麻，後防合共失咗11球，近4場3次開3球或以上。

般尼上場聯賽鬥曼聯雖然輸波，但表現唔差，可惜球隊喺英超仲未開齋，今場極需要一場勝仗沖喜，佢哋實力比沙福特城高，只要發揮穩定，理應可以順利贏波。不過球隊過去3仗都有失波，今場或者未能保持清白之身，球隊可勝不穩，似乎入球大係更好投注選擇。