[东方报]歐霸：韋斯咸夠經驗作客尋堡[10-05]

十七号

今晚歐霸盃A組賽事，德甲球隊弗賴堡主場鬥英超韋斯咸。兩隊小組首輪都旗開得勝，同樣力爭連捷。「錘仔幫」喺莫耶斯執教下愈戰愈勇，踢歐洲賽更加得心應手，以佢哋嘅信心同士氣，有力反客為主，客勝值得捧場。（Now 643周五凌晨零時45分直播）

弗賴堡後防多甩漏
韋斯咸挾上屆歐協聯冠軍威勢，歐霸分組賽首仗3比1擊敗FKTSC，對上16場歐洲賽拎到15勝1和嘅超強戰績，球員喺捧盃過程累積唔少經驗同信心，而且盧卡斯柏基達、查洛保雲及禾特普斯等進攻球員弗到漏，近4場比賽錄3勝，各方面都信得過。

弗賴堡今季開咧表現飄忽，依家喺德甲暫排中游位置，而且後防有唔少甩漏，上輪對住奧林比亞高斯兩度領先下都被追和，最終驚險絕殺贏波。佢哋對上5場正式比賽失咗11粒，面對氣勢強勁嘅韋斯咸恐難以招架，客勝屬明智之選。