[东方报]意盃：專注護級冇兼顧盃賽 沙蘭力坦拿難發圍[10-31]

十七号

意大利盃第2圈，沙蘭力坦拿主場迎戰森多利亞，意甲包尾球隊沙蘭力坦拿狀態非常差，今季聯賽10戰不勝，深受降班威脅，無力兼顧盃賽，至於乙組仔森多利亞礙於實力有限，預料會踢穩守突擊。事實上，森多利亞踢法保守，近5場作客有4場總入球開出2球或以下，最好揀中位數2.5球入球細。（周三凌晨1時開賽）

沙蘭力坦拿過去兩季意甲，都只能為護級而戰，實力唔會高得過乙組球隊好多，更何況沙軍今季演出進一步下滑，同烏甸尼斯成為僅餘兩支未打開意甲勝利之門嘅球隊，並且近5仗輸4場，當中4場敗仗都入唔到波，以沙蘭力坦拿現時頹勢，恐怕短期內難以反彈。依家球隊首要任務係聯賽搶分護級，更加唔會浪費體力爭盃賽，今仗唔好話要贏，甚至入波機會都唔大。

森多近況未如理想
森多利亞上季意甲包尾降班，今季請來名宿派路執教，但意乙成績亦未如理想，踢11場聯賽只有2勝3和6負，近5場作客更加未贏過，其中3場踢成1比1，防守尚算穩陣。由於今仗意盃淘汰賽以一戰定生死，相信森多利亞會踢得更加保守，開細機會甚高。