[东方报]英联杯：車仔夫添上陣發力開大騷[11-01]

十七号

今晚英聯盃仲有車路士主場對布力般流浪，「藍戰士」今季聯賽成績唔理想，上仗剛輸畀賓福特，料會認真應付英聯盃，佢哋踢英聯盃經常早段入局，近6次英聯盃對非英超球隊半場全開2球或以上，今場對布力般流浪相信都一樣，捧1.5球半場大。（周四凌晨3時45分開賽）

「車仔」近排表現同成績都回穩，共錄得4仗3勝1和走勢，但上場聯賽對賓福特打回原形，主場淨吞兩蛋，普捷天奴又要諗計止血，今場對布力般流浪自然不敢怠慢，賽前消息仲話幾位主力，尼高拉斯積遜、摩西斯卡些度、干拿加歷查同羅拔山齊士都會正選披甲，幾乎係「夫添」，佢哋踢英聯盃對低組別例牌半場多波入，相信今場都唔例外。

不過喺賽前傳嚟壞消息，報道指，足總正調查車路士喺2013年收購韋利安同伊度奧嘅轉會，車仔曾向神秘「第3方」支付，懷疑涉及違規操作，一經證實就可能會被罰扣分。

布力般踢英聯盃例多士哥
而布力般流浪依家喺英冠排喺中游，最大目標係爭升班，而佢哋今屆英聯盃頻頻上演入球騷，包括首圈4比3淘汰華素爾、第2圈更大炒哈洛格特8比0、第3圈亦以5比2擊敗卡迪夫城，半場全開2球或以上，今仗挑戰車路士，半場出現大手交易不足為奇。