[东方报]欧国外：格仔作客讓太辣 拉脫維亞下盤有得諗[11-18]

august

至於另一場歐國外D組，拉脫維亞主場迎戰克羅地亞。作客嘅「格仔兵團」上仗不敵威爾斯後跌落小組第3，最後兩輪不容有失，雖然今仗對榜末嘅拉脫維亞不勝無歸，但球隊近況實在太曳，作客讓到2/2.5球係贏波輸盤格，一於博下盤。（周日凌晨1時開賽）

現時D組形勢複雜，土耳其16分排榜首，威爾斯同克羅地亞同得10分排2、3名，不過無論如何，克羅地亞最後兩輪對拉脫維亞同阿美尼亞都必須全取6分，特別係佢哋近兩場連續輸畀土耳其同威爾斯之後，需要一場翻身仗嚟振奮士氣，今場作客拉脫維亞，可謂不容有失。

克羅地亞人腳不整難大炒
克羅地亞首循環主場曾大勝拉脫維亞5比0，雙方實力有明顯距離，不過「格仔兵團」不擅作客，近7場作客法定時間5勝1和1負，5場勝仗全部贏2球或以下，佢哋今場繼續由38歲隊長莫迪歷領軍，比列錫同高華錫因傷缺陣，人腳不整兼近況差，作客大勝機會不大。

拉脫維亞雖已出局，但未有輕言放棄，縱使今仗落敗機會甚高，仍會努力收窄差距，特別係主場賽事，就算輸波都甚少輸多過2球，今場受讓2/2.5球，下盤博得過。