[东方报]英超：殘陣應戰踢法不變 急先鋒熱刺速擒維拉[11-26]

august

英超前列大戰，熱刺主場迎戰阿士東維拉，熱刺雖然聯賽2連敗，但主帥普斯迪高路未有改變逼搶打法，尤其初段慣性搶攻，近6場聯賽全部先開紀錄，極之主動，對手維拉作客表現腳軟，熱刺有力先發制人，主隊第一隊入球值博。（Now 621周日晚10時直播）

熱刺季初一度高踞榜首，新領隊普斯迪高路嘅瘋狂高位逼搶打法，好睇又好食，只係近期受多名主力受傷同停賽影響，聯賽經歷2連敗跌落第4位。今場繼續殘陣應戰，占士麥迪臣長抖、比蘇馬停賽之下，中場要用賓坦古亞拍奧利華史基普，基斯甸羅美路停賽嘅中堅空缺，就由艾歷迪亞頂上，中後場無疑係差啲，不過前鋒線仲有孫興民、古路施夫斯基同比蘭莊臣，攻力冇走樣，只要逼搶打法不變，仍然有力先入波。

近6仗全拔頭籌
維拉現時排第5，近期各項賽事近6場5勝，不過有4場勝仗來自主場，單計作客近5場僅贏2場，當中有3次先失守，作客表現明顯稍差，最近一場作客淨吞諾定咸森林兩蛋，加上熱刺近6場聯賽全部先開紀錄，維拉今仗作客先失波不足為奇。