[东方报]意甲：射手腳風順搶得就搶 阿特蘭大吼半場大[12-18]

十七号

意甲今晚上演獨腳戲，近況回勇嘅阿特蘭大主場迎戰沙蘭力坦拿。上季阿特蘭大喺主場曾8比2「屠殺」沙蘭力坦拿，趁住復甦嘅氣勢，預計阿特蘭大早段已經可以撕破沙軍嘅疲弱防線，1.5球嘅半場大值得支持。（Now 638周二凌晨3時45分直播）

阿特蘭大上輪意甲以3比2擊敗AC米蘭，周中歐霸盃作客都大炒波蘭球隊捷斯托佐華4比0，可見球員已經重新上力，尤其射手路爾斯梅利爾打破入球荒後，近兩場轟入3球，令阿特蘭大進攻線增添生氣。阿特蘭大喺加斯柏連尼帶領下一向主攻，主場出擊兼士氣如虹下，相信一開波就會向對手施展極大壓力。

沙蘭力坦拿開局例心散
沙蘭力坦拿今季作客未贏過，而且球員喺比賽開局階段明顯唔夠集中，近8場聯賽作客有7次都係上半場先失波。而近4場聯賽作客，就有3次半場總入球開2球或以上，今仗唯一搶分希望係首席射手保拿爾迪亞傷愈復出，力爭喺阿特蘭大身上入波，1.5球半場大揀得過。