[东方报]德甲：法福保前6明恰不來梅[04-05]

十七号

今晚德甲焦點戰，法蘭克福主場火併雲達不來梅。法福連續兩場失分，為保歐洲賽席位不容再失，今遇愈踢愈沉嘅雲達不來梅，絕對係反彈好時機，主勝有計。（Now 639周六凌晨2時30分直播）

連續兩場失分冇退路
法福之前兩場聯賽只得1和1負，依家排緊第6位，仍處於爭下屆歐協聯附加賽嘅有利位置，不過佢哋只係領先第7、第8位嘅奧格斯堡及弗賴堡5分，再有閃失隨時被「雙堡」從後趕上。佢哋嘅前鋒奧馬馬莫殊弗到震，今季各項賽事33場入15粒兼交出6個助攻，呢位埃及射手更受到利物浦垂青，希望佢成為穆罕默德沙拿接班人，今場要騷哥利。

另邊廂，雲達不來梅今季失去射手富克洛受到重大打擊，攻力大打折扣。雖然不來梅歇冬後頭4輪取得3勝1和，包括爆冷勇挫班霸拜仁慕尼黑，令佢哋逐漸遠離降班區，可惜近期又故態復萌，近7場只得1勝1和5負，單計近4場更加輸晒，信心盡失，今仗仲有主力後衞安東尼真格坐波監，可謂雪上加霜，造訪矢志反彈嘅法福，凶多吉少。