[东方报]歐協：搶攻費倫！布魯日平手筍盤[05-08]

十七号

歐協聯4強次回合，布魯日主場迎戰費倫天拿；比利時球隊布魯日首回合作客戰至補時，遭對手絕殺輸2比3，今仗返回自己地頭，勢必主動搶攻，費倫天拿防線不穩，未必招架得住。以布魯日近4場歐協聯主場全勝走勢，平手盤值得追捧。（Now 644周四凌晨零時45分直播）

布魯日狀態出色，取得聯賽6連勝，現時排比甲「爭標組」榜首，佢哋喺歐協聯4強首回合造訪意大利，即使輸波但表現並唔失禮，兩度落後之下，都可以一度扳平，可惜踢到補時失第3球而落敗。其實布魯日該仗輸波，好大程度上因為中場安耶迪卡踢到61分鐘被逐，導致寡不敵眾，今仗恢復11人打11人，配合地利優勢，應該可以佔得上風。

紫百合防線欠穩
至於意甲球隊費倫天拿係上屆歐協聯亞軍，球隊攻力不俗，但防線甚為脆弱，上場聯賽作客對弱旅維羅納都輸1比2，近兩場作客賽事合共失6球，所以「紫百合」就算首回合領先1球都唔穩陣。睇番費倫天拿近4場歐協聯法定時間90分鐘，只係贏過1場咁大把，預料今仗將會陷入劣勢，平手盤捧布魯日係最佳選擇。