[东方报]意甲：烏甸尼斯細鍊萊切[05-13]

十七号

大簡接手執掂防線
今晚有兩場意甲，頭場由萊切主場迎戰烏甸尼斯，位處降班區嘅烏甸尼斯早前請來意大利名宿簡拿華路執教，近兩仗連鬥前列球隊博洛尼亞及拿玻里，都係打和1比1，防守有改善但攻力仍然不足，加上烏甸尼斯近5次聯賽對萊切，有4次總入球開2球或以下，今場最好揀中位數2.5球嘅入球細。（Now 638周二凌晨零時30分直播）

烏甸尼斯上月換帥，簡拿華路首仗領軍出戰對羅馬，由於係「補賽」，僅進行餘下最後18分鐘比賽，結果遭對手絕殺輸1比2，參考價值不大。烏甸尼斯近兩場對博洛尼亞及拿玻里，「大簡」全程指揮，取得兩連和，表現並唔失禮，畢竟「大簡」身為一代傳奇中堅，對於布防戰術甚有心得，相信今仗足以抵禦萊切攻勢，等待機會打反擊搶分。

萊切近4場聯賽取得2勝2和，只要今場唔輸，基本上已經冇護級壓力。萊切主場出擊，但近期踢法偏向保守，近4場聯賽主場總入球全開2球或以下，遇上攻力欠佳嘅烏甸尼斯，開細機會甚高。

蒙沙唔赦費倫
另1場意甲，費倫天拿上周中打入歐協聯決賽，相信會留力應付呢項盃賽，今場聯賽主場對蒙沙，戰意成疑。蒙沙近6場聯賽作客僅1敗，今場讓球盤受讓1球，下盤可取。（周二凌晨2時45分開賽）