[东方报]奧女足：美國格食格主W博德過[08-06]

十七号

女奧足兩場4強激戰今晚展開，其中頭場由美國女足火併德國女足。美國女足劍指金牌，今屆4戰法定時間3勝1和，表現極具冠軍相，加上近年交手食住德國女足，有力贏波進身決賽，主勝有計。（HOY TV 76台周三凌晨零時直播）

美國女足雖有阿歷絲摩根等名將淡出，幸好由前車路士女足主帥希耶絲執教後，更新換代做得唔錯，前NBA球星洛文女兒洛雯尤其突出，今屆4戰入咗3粒，包括8強加時一箭定江山，以1比0氣走頑強嘅日本女足，絕對係遇強愈強。

另邊廂，德國女足今屆4戰法定時間錄2勝1和1負，其中8強面對上屆盟主加拿大女足，更一度陷於苦戰，連半場都過唔到，幾經辛苦先至守和對手0比0，憑住門將安卡蓮貝嘉屢救險球，才藉互射12碼驚險晉級，演出只屬一般。

德國分組賽對碰輸1比4
翻查紀錄，雙方近7次正面交鋒，美國女足豪取6勝1負佳績，包括今屆B組分組賽以4比1大勝德女，表現輕鬆，明顯格食格，今仗再贏合理。