[东方报]英超：曼城求勝森切撐半場W[12-04]

十七号

至於今晚另一場英超，就有「受傷老虎」曼城主場迎戰諾定咸森林。「藍月亮」受到傷兵問題困擾，近期成績直線下滑，上場輸埋畀利物浦後，依家連前4位置都不保，今場決心收復失地，預料開波即搶攻，半場主勝有計。（Now 623周四凌晨3時30分直播）

曼城依家最大問題係防守不穩，洛迪卡斯簡迪缺陣令防線失去最可靠屏障，不過前面有挪威神鋒艾寧夏蘭特掛帥，基亞利殊、謝利美杜古等攻擊球員亦回歸，曼城進攻火力極有保證，佢哋近4場主場有3次先入波兼喺半場領先，搶攻能力仍然強勁。

諾定咸森林近況走樣
諾定咸森林經歷開季一輪強勁衝刺，近期開始打回原形，近3場聯賽輸咗2場，之前對住阿仙奴同紐卡素嘅頂級鋒線，防守出現唔少漏洞。睇番兩軍近4次交手，曼城全部都順利喺半場領先，半場主勝值得捧場。