[东方报]歐冠：沙比倒戈特醒利華當拜仁冇到[03-05]

十七号

歐聯16強首回合上演德甲內訌，拜仁慕尼黑主場硬撼利華古遜。拜仁雖然喺聯賽大超班，但今季遇強經常甩轆，撞正「剋星」沙比阿朗素領軍嘅利華，今場難有運行，「讓球主客和」利華讓球客勝（+1）咪走寶。（Now 638周四凌晨4時直播）

拜仁一向喺國內打橫行，依家甩開次席兼今仗對手利華8分，奪冠只係時間問題。不過拜仁教頭高柏尼今季接手拜仁後，遇強戰績麻麻，唔單止3鬥利華未贏過，歐聯面對阿士東維拉、巴塞隆拿及飛燕諾、聯賽出戰多蒙特均未能獲勝，純講傳統勁旅，只係贏過巴黎聖日耳門。加上射手哈利卡尼自傷愈復出後，連續4場食白果，明顯未弗番。

近6次對賽3勝3和
更何況利華有教頭沙比阿朗素領軍，這名前拜仁中場自從執教「藥廠」後，6次倒戈舊東家獲3勝3和不敗佳績，單計今季3戰錄1勝2和，包括德盃贏1比0，明顯剋住拜仁。加上利華各項賽事近8場都未輸過，狀態唔會比拜仁差，尤其係拜仁主場出擊，一定採取主攻打法，更有利科利安華迪斯、柏德列舒希克同謝利美費林邦打反擊，今場有力全身而退。