[东方报]英超：利物浦趕修工捧半大[03-08]

十七号

利物浦嘅英超爭霸進入直路衝刺，今輪主場迎戰包尾嘅修咸頓，擺明係強弱懸殊嘅對碰。利物浦依家有多達13分領先優勢，爭標壓力完全消除，反而要為歐聯16強次回合留力，今仗務必速戰速決，盡早解決對手，1.5球半場大好有機會開出。■（Now 621周六晚11時直播）

利物浦周中歐聯作客1比0贏巴黎聖日耳門，出線仲未穩陣，為以最佳狀態準備次回合，今場對住戰鬥力疲弱嘅修咸頓，可以當練波咁玩，如果上半場「收夠籌」，就可以畀主力提早休息。利物浦鋒線着火，無論係穆罕默德沙拿等主力，或者後備嘅達雲紐尼斯、迪亞高祖達等都具備入球能力，攻破修咸頓防線可謂易如反掌。

修咸頓防線穿窿
相反，作客嘅修咸頓連場慘敗，防線弱不禁風，近3場比賽失咗11球，邊有能力抵抗英超最強鋒線？睇番利物浦近7次對修咸頓，有6次半場總入球開2球或以上，今場想盡早奠勝必全力搶攻，1.5球半場大穩開。