[东方报]世盃亞洲：南韓1分夠數和味濃[06-05]

十七号

世盃外亞洲區第3圈B組關鍵戰，伊拉克對南韓。榜首南韓領先第3位伊拉克4分，今場和波就掂，以佢哋8場不敗嘅防守力，加上近3場全部打和，博好分頭嘅和局。（港台電視32周五凌晨2時15分直播）

南韓近期屢遇阻滯，近3場對巴勒斯坦、阿曼同約旦全部打和1比1，不過B組形勢混亂，「太極虎」現時仍以16分高踞榜首，今輪遇上排3位嘅伊拉克，只要唔輸就穩佔小組頭兩名，直接出線明年決賽周。

南韓主帥洪明甫點兵精銳盡出，包括以熱刺隊長身份捧走歐霸盃嘅孫興民，以及協助巴黎聖日耳門贏得歐聯冠軍嘅李康仁，有呢兩位外流猛將壓陣，就算金玟哉受傷缺陣都冇有怕。

伊拉克易帥有影響
伊拉克上輪不敵巴勒斯坦後換帥，由上屆世盃澳洲主帥艾萊特接手，希望力爭出線，佢哋嘅主場巴士拉可坐6萬球迷，聲勢浩大，不過始終啱啱易帥兼狀態一般，未必咬得入南韓。