[东方报]英超：施洛首騷利物浦大晒[08-17]

august

周六英超早場，升班球隊葉士域治主場迎戰利物浦。葉士域治相隔22年再戰英超，開季首戰主場出擊鬥志高昂，勢必打高一皮波，利物浦施洛時代正式啟航，原班陣容換上更進取踢法，相信入波唔會少，3.5球入球大咪走寶。（Now 631、621及611周六晚7時30分直播）

撞葉士域治例演入球騷
葉士域治能夠重返英超，領隊基蘭麥堅拿係主要因素，呢位38歲少帥2021年底接手時球隊仲喺英甲，經佢改造後葉士域治一年升一級，上季尾確定英超資格後，基蘭麥堅拿即獲曼聯、車路士、白禮頓等隊招攬，但佢不為所動留喺葉士域治，打算以現有子弟兵挑戰英超。

該隊今夏最重磅收購係從車路士買入翼鋒奧馬利赫捷臣同埋曼城小將利姆戴納，兩人喺英超有待磨練，今場都會正選上陣，挑戰紅軍防線。

利物浦進入施洛時代，今夏未有增兵，繼續以高普留下嘅「遺產」征戰，睇番球隊季前熱身賽表現唔錯，包括大炒曼聯3比0同4比1贏西維爾，一眾球員上晒力，而且踢法更進取；睇番雙方22年前聯賽碰頭，當時利物浦分別贏6比0同5比0，今次再交手，預計又係一場入球騷。