[东方报]英超：曼城撳住搶半大劫富[10-05]

august

至於同晚另一場英超焦點賽事，曼城主場迎戰富咸，「藍月亮」曼城連續2場聯賽失分後，被利物浦搶走榜首之位，今仗不容再失，預料會加強攻力，爭取盡快入波奠勝。事實上，「藍月亮」擅長閃擊戰，近5場聯賽有4次上半場總入球開2球或以上，一於再博中位數1.5球嘅半場大。（Now 621周六晚10時直播）

曼城近2場英超打和阿仙奴、紐卡素，但2場都先開紀錄，踢法仍然相當進取，今場遇上實力較弱嘅富咸，更可放心壓前搶攻，好大機會比賽初段就取得入球。中場菲爾科頓喺上場歐聯對施洛雲，終於打破近4個半月入球荒，呢位上季英超最佳球員重拾射門鞋，可進一步提升曼城入球能力，配合大勇射手艾寧夏蘭特，有力迅速攻破富咸防線。

富咸反擊隨時偷雞
至於富咸取得2連勝，狀態不俗，前鋒魯爾占美尼斯連續3場英超有波入，腳風非常順，富咸反擊能力亦不容忽視，更何況曼城防線不穩，近5場英超4次上半場有失波，富咸上半場有機會偷雞入波，1.5球半場大值博。