[东方报]歐冠：A米擺大個頭硬爆飛燕諾[02-18]

十七号

歐聯附加賽次回合，意甲名牌AC米蘭迎戰荷蘭勁旅飛燕諾，A米首回合輸0比1，今仗返主場肯定擺大個頭，希望盡快收復失地。飛燕諾今屆歐聯表現突出，唔怕輸嘅搶攻踢法係最大賣點，今場唔會諗住龜縮保住領先優勢，隨時係對攻格局，3.5球入球大穩陣。（Now 643周三凌晨1時45分直播）

落後一球地頭必喪攻
AC米蘭喺首回合有門將邁治蘭送大禮，好在今仗可以返主場作戰，佢哋近12次喺主場出擊不敗，絕對有信心發動強攻，尤其冬季引入祖奧菲歷斯同辛迪亞高基文尼斯，配合近期回勇嘅譚美阿巴謙，A米有足夠兵源擺大個頭，硬爆飛燕諾防線。

飛燕諾今屆歐聯大開大合，作客曼城可以輸3球後連追3球，有能力大炒拜仁慕尼黑3比0，轉頭又1比6慘負里爾，就算作客都唔會改變踢法。飛燕諾近4場歐聯作客，總入球全開4球或以上，今仗同AC米蘭駁火，開3.5球入球大機會高唱入雲。