[东方报]歐冠：西甲內訌冤家又交鋒 馬體會搏命大報復[04-08]

十七号

歐聯8強首回合上演「西甲內訌」，巴塞隆拿主場迎戰馬德里體育會，雙方剛於上輪聯賽交鋒，巴塞作客贏2比1，今仗有地利優勢，當然要乘勝追擊。馬體會為報仇唔會縮，加上踢法有前冇後，近4場歐聯總入球全開4球或以上，一於再追中位數3.5球嘅入球大。（Now 638周四凌晨3時直播）

地上最強進攻多元化
兩隊今季已經喺西甲及西班牙盃4次交鋒，「地上最強」 取得3勝1負，2次主場對馬體會共轟入6球。

事實上，呢支西甲一哥進攻多元化，羅拔利雲度夫斯基、拉明耶馬、拉舒福特等前場球員都有出色入波能力，令對手防不勝防。再者，巴塞喺西甲已拋離第2位皇馬7分，捧盃機會樂觀，可投放更大力量爭奪歐聯錦標，必定把握首回合主場之利，盡量贏多幾球，令對手次回合難以翻身。

至於馬體會聯賽爭標無望，亦可全力踢好歐聯，尤其係上場西甲不敵巴塞，出現爭議性判決，後衞尼高拉斯干沙利斯領紅牌出場，但巴塞中堅謝拉特馬田踩中泰亞高艾美達死腳，球證原本想出示紅牌，但VAR介入後取消，成為輸波主因之一。馬體會球員谷住一肚氣，報仇決心一定強，必然搏盡爭勝。馬體會進入歐聯淘汰賽，表現非常豪邁，附加賽兩戰布魯日，分別打和3比3及贏4比1，上輪16強對熱刺，贏5比2及輸2比3，今仗隨時再演入球騷。