[东方报]國友賽：誓師派對唔會搏命埃及拍俄羅斯造細[05-28]

十七号

埃及展開世界盃旅程前，第一場熱身賽，主場迎戰俄羅斯。4年前世盃，埃及未能殺入決賽周，今次亦好大機會係33歲嘅穆罕默德沙拿最後一次世盃，相信佢都希望無穿無爛迎接呢件盛事，預計今場熱身賽會就住就住，事實上埃及戰術保守，近4場有3次開2球或以下，推介2.5球入球細。（周五凌晨2時開賽）

俄羅斯受到禁賽令影響，唔可以亮相大型賽事，國家隊都係踢啲熱身賽。值得留意係，俄羅斯近排好客氣咁招待對手，近4場只得1勝2和1負，贏波一場只係擊敗完全唔入流嘅尼加拉瓜，始終能夠比賽嘅對手唔多，俄羅斯都唔會亂嚟，而且今場對手埃及，喺政治上係「全面戰略夥伴關係」，雙方喺經貿、能源及小麥農產品有高度合作，今場「聯誼波」戰意成疑。

非洲代表踢法保守
至於埃及雖然有主場之利，但佢哋踢法一向保守，而且踢罷今場，過兩日就會出發去美國，今場只係球迷大型歡送會嘅表演賽，球迷最緊要見到班球員健健康康出發，亦都唔會執意要求國家隊成員搏晒命贏波，但求開開心心已經收貨。

埃及領隊哈森雖然擁有沙拿及曼城嘅馬莫殊，但佢戰術專注防守，好少見到球隊比賽有大比數，最近4場3次零封對手，當中3場開2球或以下，今場睇嚟都係少交收場合，玩入球細啱數。