[东方报]歐冠：里爾地頭穩守突擊多蒙特弱細難發圍[03-12]

十七号

歐聯16強次回合大戰，法甲勁旅里爾喺主場迎戰多蒙特，兩隊首回合踢成1比1平手，表現勢均力敵，今場生死戰必定步步為營。「蜜蜂兵團」牌面較高，但里爾主場有超強戰績支持，大家都唔敢輕舉妄動，預料今場攻勢唔會多，2.5球入球細抵玩。（Now 643周四凌晨1時45分直播）

蜜蜂對法甲兵旺開細
里爾係今屆其中一支神奇球隊，最大原因係主場威力強勁，今屆歐聯6場主場拎到5勝1和佳績，穩守突擊打法成效顯著，今屆主場曾經1比1和祖雲達斯，以及1比0贏皇家馬德里，既然拎到咁好成績，今仗當然會照辦煮碗，務求1球定勝負。

德甲勁旅多蒙特有豐富歐聯經驗，不過今屆演出不穩，近6場歐聯只得2勝2和2負，而且近期狀態麻麻，上場聯賽就喺主場0比1輸畀奧格斯堡，士氣受到一定打擊。事實上，多蒙特近6次喺歐聯面對法甲球隊，總入球全開2球或以下，今仗多數會繼續保守踢法，2.5球入球細值得捧場。