[东方报]世盃南美：巴西冇牙老虎吼半和[03-20]

十七号

世盃外南美洲區賽事，巴西主場迎戰哥倫比亞，兩大勁旅依家都身處前6名，出線形勢樂觀。巴西經歷災難開局後，近4場世盃外2勝2和，但呢個足球王國已失去昔日霸氣，對住防守硬淨嘅哥倫比亞優勢唔明顯，半場和值得一博。（HOY TV 77台周五早上8時45分直播）

巴西陣容逐個秤就星光熠熠，不過雲尼斯奧斯祖利亞、拉芬夏比洛尼等頂尖前鋒，喺國家隊嘅表現連球會一半都冇，領隊杜利華祖利亞戰術保守，中場用唔少工兵型球員，最近仲要搵老將尼馬回歸，更突顯球隊未能完成接班，而尼馬更喺賽前因傷退隊，似乎搵唔到咩新方法重振雄風。

哥倫比亞穩守求止跌
哥倫比亞依家比巴西多1分排喺第4位，不過近4場3度落敗，為免繼續沉淪，今場作客會以穩守為目標。哥倫比亞球員向來體力化同硬淨，專心防守有力阻止巴西進襲。翻查兩隊近4次對賽，有3次都係喺上半場打和，今仗再開半場和機會高。