[东方报]意甲：拿玻里近況曳細盤最安心[04-14]

august

今輪意甲壓軸之戰，拿玻里主場對安玻里，論整體實力，排第2位嘅拿玻里勝一籌，但呢支爭標球隊近況欠佳，加上有兩位主將停賽，追中位數2.5球嘅入球細為妙。（周二凌晨2時45分開賽）

拿玻里落後榜首國際米蘭6分，但踢少1場，餘下7輪聯賽，肯定搏盡爭勝，但有心唔一定有力，拿玻里由2月初開始頻頻失分，變成「和波專家」，近9場聯賽僅有2勝6和1負，今仗遇上安玻里，未必佔到太大甜頭。尤其是中場森保安古沙及後衞迪羅倫素停賽，削弱拿玻里攻守能力，隨時又出現老鼠拉龜嘅局面，主W熱到只有1.23倍，屬於高風險、低回報。

安玻里要「泊大巴」搶分
另邊廂，安玻里深受降班威脅，但考慮到對手實力較強，料主守搶1分都好。事實上，安玻里防守能力不俗，近5場聯賽僅失4球，最犀利係2月意大利盃作客打和祖雲達斯1比1，並憑互射12碼淘汰對手。一旦安玻里決心「泊大巴」死守，拿玻里要入波就非常困難，再翻查兩隊近5次交鋒，總入球全開2球或以下，捧細盤最好路。