[东方报]英超：紐卡素蓄細爭歐聯資格[04-16]

十七号

今晚英超補賽，紐卡素主場鬥水晶宮。「喜鵲」上仗擊敗曼聯費力不少，密集賽程亦不利雙方發揮，佢哋爭歐聯入場券進入直路，識留放好緊要，今晚贏波就夠唔使大炒，加上近8次對賽7次開2球或以下，2.5球入球細玩得過。（Now 621周四凌晨2時30分直播）

兩邊都有重要軍情消息，先講紐卡素，領隊艾迪侯域上周五因病入院，搞咗一排證實患上肺炎，預計缺席今場同周日作客阿士東維拉嘅大戰，球隊繼續由助教天度爾暫掌帥印，侯域最快月底先復出。水晶宮方面，上場停賽嘅中堅馬克古希今仗復出，後備鋒將尼基迪亞亦坐完波監。

目標贏波唔使太用力
紐卡素今場贏波就升上第3，但嚟緊仲要鬥維拉、車路士同阿仙奴，今場攞3分就夠，唔使太用力。水晶宮高不成、低不就，冇降班威脅之餘又追唔到前列，鬥心成疑，不過佢哋鬥「喜鵲」往績唔曳，近8次和咗5次，而且有7場開2球或以下，一於趁早投注入球細，睇半個鐘直播，再轉台睇歐聯等呢場收錢啱數。