[东方报]歐冠：大局已定？踢過先知！ 雙雄博翻身[04-16]

十七号

今晚續演歐聯8強次回合大戰，兩場對決睇落勝負分明，首回合阿仙奴大炒皇馬3比0、國際米蘭就作客砌低拜仁慕尼黑。不過「波係圓嘅」，皇馬同拜仁堂堂兩大班霸，點會輕易朿手就擒，誓要成為最新絕地反擊嘅主角，破釜沈舟博翻身！

今晚矚目大戰，皇家馬德里主場再鬥阿仙奴，「兵工廠」首回合意外大勝3比0，今場唔使諗擺出最強鐵甲防守，再利用穩守突擊制敵，戰術上大有優勢；「銀河艦隊」近況麻麻想贏都唔易，阿仙奴讓球客勝「+1」抵玩。（Now 643周四凌晨3時直播）

雙翼齊飛反擊更煞食
阿仙奴手握3球優勢，今場大安旨意踢穩守突擊，佢哋防守能力喺歐洲數一數二，由威廉沙列巴同大衞拉耶領軍嘅防線極度穩健，今屆歐聯有6場不失球，僅次於意甲嘅國際米蘭（7場），作客巴拿貝亦有力全身而退。阿仙奴今屆歐聯防守穩陣，近7場歐聯拎到6勝1和，加上進攻核心布卡約沙卡及時復出，同加比爾馬天尼利雙翼齊飛，令「兵工廠」反擊力大大提升，對住空群而出嘅皇馬，大把搵食機會。

皇馬近況下滑，防守出現極多錯漏，近3仗主場被攻入8球，今場冇得選擇焗攻，隨時得不償失，再者法國中場卡馬雲加停賽，令中場逼搶力進一步削弱，隨時被阿仙奴搶贏中場，讓客值得支持。