[东方报]世盃南美：肥安首騷巴西改踢守細波[06-05]

十七号

世盃外圍賽南美洲區兩支前列球隊大戰，2哥厄瓜多爾主場惡鬥巴西。今場係「森巴兵團」教練安察洛堤地標戰，預料作客會以佢一貫穩陣踢法，做好防守再搵機會。厄瓜多爾高原主場令列強嘗盡苦頭，但進攻火力不足，加上兩軍近5次交手，全開2球或以下，推介2.5球入球細。（周五早上7時開賽）

厄瓜多爾靠高原抗敵
安察洛堤剛剛接手，點樣調教「森林兵團」屬未知之數，摸索階段下唔慌進取。事實上「肥安」教開名牌，好多時喺作客情況下，都會做好防守先突擊。巴西有雲尼斯奧斯祖利亞、拉芬夏比洛尼同今季喺貝迪斯翻生嘅安東尼馬菲奧斯，速度夠快啱晒踢防反。

厄瓜多爾今屆外圍賽有驚喜演出，目前排第2位，佢哋陣容有唔少新進球星，包括協助巴黎聖日耳門贏得歐聯嘅後衞威廉柏曹，此外效力車路士嘅摩西斯卡些度，更成為首位喺歐洲賽決賽入波嘅厄瓜多爾球員。厄瓜多爾另一「武器」當然係高原主場，今屆世盃外7次主場獲得5勝2和不敗佳績，巴西作客恐怕都冇乜甜頭，今場唔會多波入，推介入球細。