[东方报]歐國聯：西班牙法國大晒冷[06-05]

十七号

Goal手如雲搏拳求過關
今晚於德國續演歐國聯4強矚目大戰，西班牙同法國爭決賽席位。「鬥牛軍團」自上年歐國盃奪冠後，過去1年保持強勢，拉明耶馬亦進一步顯現新球王風采；法國坐擁最當時得令豪華鋒線，基利安麥巴比及奧士文尼迪比利屬入波保證。兩大勁旅正面駁火，2.5球入球大穩開！（周五凌晨3時開賽）

西班牙上年贏得歐國盃冠軍後，繼續保持高水平演出，拉明耶馬及尼高拉斯威廉斯雙翼齊飛結構日趨成熟，近7場賽事錄得5勝2和，包括喺歐國聯8強淘汰勁旅荷蘭。西班牙攻擊線效率極高，近5場賽事狂轟12球，5仗總入球全開3球或以上，為殺入決賽今仗必定盡情狂攻。

法國近年年輕化頗見成效，尤其前線人才輩出，除王牌基利安麥巴比外，巴黎聖日耳門鋒線3名「土炮」奧士文尼迪比利、迪斯亞杜伊同巴特利巴高拿均大熟大勇，挾歐聯冠軍成員氣勢歸隊，加上米高奧利斯及馬古斯杜林都有數胡能力，入球點極為廣泛，等閒之輩防不勝防。

兩軍同樣頭重尾輕
不過兩軍都有啲「頭重尾輕」，法國中堅威廉沙列巴因傷落選，防守能力受到削弱，西班牙近期亦頻頻出現防守失誤，近3場比賽就被對手攻入6球。既然兩隊火力極強，防守又唔穩陣，一於捧2.5球入球大。