[东方报]世盃歐洲：北馬其頓硬淨細守城池[06-06]

十七号

世盃外歐洲區J組賽事，北馬其頓主場火併比利時。北馬其頓唔單止頭兩輪未輸過，仲守得兩嘴，相反「歐洲紅魔」名氣就夠大，但老化問題未解決，寧捧2.5球入球細。（周六凌晨2時45分開賽）

北馬其頓之前喺歐國聯C4組，6戰5勝獲首名，來屆會升上B組，確實對手係偏弱，但你咪理，呢班波勝在個個都肯走多兩步，靠拚勁甚有球味。延續住歐國聯唔錯嘅勢頭，北馬其頓喺世盃外J組頭兩輪，取得1勝1和，包括上輪末段入波下，仍被威爾斯逼和1比1，堅唔抵，佢哋近5場有4場保持清白之身，其中4次開2球或以下，防守穩健。

比利時老將難破密集
比利時今仗先係佢哋J組首場賽事，佢哋近年總係雷聲大、雨點小，尤其係奇雲迪布尼、盧卡古等主力已經3張幾，可惜後繼無人，好似3月歐國聯附加賽，「歐洲紅魔」對住烏克蘭，首回合輸1比3下，要靠次回合大勝3比0，先成功留番喺A組，但睇番次回合，要去到70分鐘先追番1粒，過程非常驚險，正所謂拳怕少壯，仲要靠「黃金一代」老將支撐大局，唔撐得幾耐。當然以波論波，比利時點秤都高啲，不過想撕破北馬其頓密集防守都唔易，捧入球細好過。