[东方报]世盃歐洲：荷蘭火猛大盤夠好芬[06-07]

十七号

世盃外歐洲區G組賽事，芬蘭主場迎戰荷蘭，芬蘭目前1勝1和成績唔錯，如果可以喺首度出擊嘅荷蘭身上搶分，對爭奪小組前2名會有極大幫助，今仗藉主場之利，絕對唔會坐以待斃，會嘗試同荷蘭鬥攻，中位數3.5球入球大有2.62倍抵玩。（周日凌晨2時45分開賽）

芬蘭主場豁出去鬥攻
芬蘭上年8場賽事1和7負，歐國聯亦降班收場，不過今年初改聘費斯執教後，成績立刻大大改善，兩場世盃外已拎到4分，雖然同荷蘭戰鬥力有差距，但球隊依家信心十足，而且主場出擊，有機會喺荷蘭唔算強大嘅後防搵到食，今仗唔會死守求和，會嘗試同荷蘭駁火。

另邊廂，荷蘭喺朗奴高文執教下大踢進攻足球，加普、沙維西蒙斯及雷恩達斯做進攻主力嘅踢法已經成型，3月份歐國聯8強火併西班牙，兩回合大戰法定時間內踢成4比4，近4場有3次總入球開出4球或以上，今場對住實力較弱嘅芬蘭，肯定會全力狂攻，3.5球入球大穩開。