[东方报]熱身賽：作客珀斯A米回氣入波唔慌多[07-31]

十七号

ＡＣ米蘭「亞洲之旅」季前熱身賽第3站，作客澳職球隊珀斯光輝，ＡＣ米蘭連鬥兩支英超勁旅阿仙奴同利物浦後，已達到真正練兵效果，今仗嘅對手實力弱一大截，反而可能會輕敵放軟手腳，加上近期經過舟車勞頓，點都要回一回氣，估計小勝居多，今場寧願揀3.5球入球細。（周四晚6時20分開賽）

「紅黑兵團」ＡＣ米蘭近兩場熱身賽分別0比1不敵阿仙奴，以及贏利物浦4比2，整體發揮不俗。不過，新帥阿里基始終接手領軍冇幾耐，仍然需要時間重建球隊，預料今仗會繼續試陣，特別係嚟到「亞洲之旅」最後1場，加上對手實力比較弱，應該會盡量畀副選球員更多上陣時間演練，不宜高估。同埋去到澳洲比賽，點都要畀面主人家，冇必要大炒對手。

光輝硬淨頂得兩嘴
另邊廂，澳足盃已經展開，珀斯光輝球員狀態有保證，上場澳足盃同威靈頓鳳凰踢足120分鐘，仍然打成1比1平手，最終僅以互射12碼落敗，表現相當硬淨。珀斯光輝難得可以同歐洲名牌球隊交手，球員應會額外落力，贏唔到都要盡力避免大敗，屆時可能會出現拉鋸局面，入波唔會多。