[东方报]歐霸：布拉加上晒力半大降魔[08-21]

十七号

今晚歐霸盃附加賽首回合，來自直布羅陀嘅林肯紅魔鬼，主場迎戰葡超勁旅布拉加。齋講級數布拉加都贏幾條街，更何況佢哋連贏4場擺明上晒力，隨時半場就轟散呢隻「紅魔鬼」，1.5球半場大捧得過。（周五凌晨3時開賽）

林肯紅魔鬼狀態成疑
如果大家睇波有一定日子，對林肯紅魔鬼相信會有啲印象，呢個名字通常會出現喺歐聯外頭幾圈，今屆佢哋先喺首圈淘汰維京加高泰，但次圈被貝爾格萊德紅星踢出局，「降呢」轉戰歐霸盃，上圈兩回合均打和，要靠互射12碼先擊退FC諾亞，幸運成分居多。林肯紅魔鬼本身已經唔夠班，仲要國內聯賽未開咧，無論實力或狀態都信唔過。

布拉加身為葡超4巨頭之一，雖然今夏有主力被挖走，但亦簽入巴塞新星巴奧域陀，佢同前線嘅伊斯馬加比及列卡度賀達等都已經開齋，仲有老將摩天奴坐鎮中場，活力經驗俱備。布拉加近4場全部贏晒，包括上圈兩回合以4比1踢走克盧日，並喺葡超開咧兩連勝兼冇失波，弗到漏油，而且踢法搶韁，呢4仗半場全開2球或以上，半場大咪錯過。