[东方报]歐協：狐狸主場醒上盤有得芬[04-07]

august

今晚歐協聯8強首回合對決，英超「狐狸」李斯特城主場迎戰荷甲勁旅燕豪芬。年初一度陷入低潮嘅李斯特城，近期走勢回勇，成功殺入歐協聯8強，尤其主場優勢明顯，今場面對歐戰作客飄忽嘅燕豪芬，「狐狸」有望趁地利搶食頭胡，小讓平半上盤屬信心之選。

李斯特城今年年初各項賽事曾試過5場不勝，更一度傳出領隊羅渣士帥位不穩。不過佢哋班球員始終有質素，經調整後近期表現有所反彈，尤其喺主場出戰特別醒神，近4仗主場全勝，包括歐協聯淘汰圈附加賽及16強，先後擊敗丹麥球隊蘭達斯同法甲代表雷恩。

李斯特城喺各項國內盃賽已經出局嘅情況下，除咗要喺英超繼續搶分改善排名外，當然希望喺歐協聯搶一番成績。雖然中場尼迪迪提早收咧，王牌占美華迪亦有傷在身，但哈維班尼斯、占士麥迪臣同伊恩拿祖就挺身而出，其中上場就係靠後者嘅入波，以1比1賽和強敵曼聯。

燕豪芬防線多甩漏
今屆同樣由歐霸盃降級轉戰歐協聯嘅燕豪芬，先後淘汰以色列球隊特拉維夫馬卡比同丹麥嘅哥本哈根殺入8強，至今遇到嘅挑戰唔算太大。球隊上場聯賽以3比3激和川迪，聯賽爭冠之路遇上阻滯，亦反映球隊後防甩漏情況頗為嚴重，今場造訪主場特醒嘅李斯特城，相信燕豪芬難有作為，上盤係不二之選。