[东方报]英超：歐聯慘敗車仔搵聖人出氣[04-09]

august

今晚英超10點場有修咸頓主場迎戰車路士。中游分子修咸頓無欲無求下，最近失分頻頻，今仗隨時再踢「風流波」。車路士歐聯8強首回合主場1比3慘負皇馬，出線形勢不樂觀，但其實表現唔差，只要改善埋門一腳仲有希望，今仗定必集中火力爭勝鎖定聯賽前4位置，亦為次回合作客皇馬絕地反擊進行預演，鬥心不容懷疑，客勝必捧。

車路士上仗聯賽主場1比4大敗予賓福特，5連勝走勢終止，前4位置亦有所動搖。不過球隊聯賽作客表現有保證，15戰10勝3和2負，近3仗更轟入8球，藉近7場作客全勝氣勢，今仗有力反客為主。「藍戰士」今季入球點分布極廣，暫時已多達16名球員在聯賽取得進帳，包括上仗亦由後衞魯迪格先開紀錄，勢令修咸頓防不勝防。

修咸頓「上岸」戰意成疑
修咸頓上仗作客賽和列斯聯，近4仗聯賽未嘗一勝，包括曾以4球大敗予阿士東維拉。球隊季初表現神勇，賽前已手握36分，護級穩陣，下季基本上肯定繼續留在英超，餘下賽事戰意成疑，今仗雙方氣勢此消彼長下，相信「聖人」凶多吉少。