[东方报]西甲：愛斯賓奴遇魚腩大快朵頤[03-09]

十七号

今晚西甲獨腳戲，爭緊歐洲賽資格嘅愛斯賓奴主場迎戰「降班膽」奧維多，正係大好時機擺脫不勝頹勢，老將安歷基傑基近期重拾射門鞋，有望率領愛斯賓奴大炒對手，2.5球入球大值得捧場。（Now 632周二凌晨4時直播）

愛斯賓奴上年係威係勢，2025年完結時踢出一波5連勝走勢，一度衝擊前4席位，勢估唔到踏入2026年就跌落谷底，踢咗9場都贏唔到，依家已跌出歐洲賽區域。不過佢哋近期有番啲起色，近3場試過打和切爾達同艾爾切，安歷基傑基喺呢兩場都有士哥，信心正逐步提升。愛斯賓奴近期踢法相當主動，近6場聯賽都有入波，問題係防線亦好脆弱，6場總入球全開3球或以上，今輪對住包尾嘅奧維多，絕對係反彈嘅好時機，肯定會盡地一煲爭取入多幾粒。

奧維多防守曳等降班
奧維多實力有限，下季降班幾成定局，事實佢哋作客防守力極曳，連續4場作客都被對手轟入3球，今場擋唔住主隊來犯，入球騷機會高唱入雲。