[东方报]國友賽：西班牙開攻半大拉唔住[06-04]

十七号

世盃奪冠大熱西班牙喺出征美洲前，今晚最後一次主場熱身賽迎戰伊拉克。「狂牛」雖有王牌拉明耶馬未好番，但佢哋習慣一開波即搶攻，伊拉克好難頂得住，半場主勝冇肉食，轉捧1.5球半場大更上算。（周五凌晨3時開賽）

應屆歐國盃盟主西班牙，喺世盃前仲有2場「拍跳」，打完今仗主場對伊拉克後，下周二朝早就喺墨西哥對秘魯，即係話今仗係佢哋出征前最後主場賽事，梗係想大勝一場壯行色。雖然「狂牛」王牌拉明耶馬、尼高拉斯威廉斯仍要養傷，但主帥富安迪先發制人嘅戰略不變，何況陣中仲有奧耶沙巴爾、丹尼爾奧莫、費倫托利斯等進攻高手，唔愁冇本錢搶攻，睇番佢哋近4仗有3次半場開2球或以上，踢法非常搶韁兼有效率。

伊拉克防線靠唔住
另邊廂，伊拉克要藉住洲際附加賽擊敗玻利維亞，先至趕上世盃決賽周尾班車，非常驚險。呢支亞洲球隊於日前約戰弱旅安道爾，只係險勝1粒咁大把，表現認真麻麻，睇埋佢哋近8仗只有2場冇失波，面對二流球隊後防都未見穩陣，點樣抵擋「狂牛」初段一輪急攻呢，一於買1.5球半場大博早啲收錢。