[东方报]國友賽：進攻摸索中 三獅兵團試陣細鍊新西蘭[06-06]

十七号

「三獅兵團」英格蘭近幾屆國際大賽都有好表現，可惜同冠軍緣慳一面，今屆世盃喺領隊杜曹帶領下，保守踢法未有改變，而且進攻模式仍在摸索階段，大軍集結後首場熱身對新西蘭試陣居多，博中位數3.5球入球細係最佳選擇。（Now 618周日凌晨4時直播）

英格蘭人才鼎盛，但係除咗射手哈利卡尼可以長年交出高水平表現之外，其餘進攻球員都好飄忽，搞到國家隊經常變陣，之前嘅核心菲爾科頓同高爾彭馬，今屆都唔喺大軍名單裡面；祖迪比寧咸亦唔係必然正選，依家已經由新星摩根羅渣士擔大旗，可見杜曹仍未建立出最強嘅進攻套路。

英軍人腳不整攻力削
再者，阿仙奴3名進攻主力布卡約沙卡、馬度基同伊比爾治伊斯，踢完歐聯決賽後延遲歸隊，今場多數唔會落場，英格蘭人腳不整，令火力進一步受損。「三獅兵團」喺4月份熱身賽0比1輸畀日本，近4場比賽總入球全開3球或以下，今仗難望有乜改變。

新西蘭同樣係為世盃備戰，雖然4日前約戰海地大敗而回，但球員已經進入作戰狀態，佢哋踢完今場就會直奔美國準備決賽周，當然想喺出發前踢番場爭氣波。新西蘭近年3次面對歐洲球隊，總入球都開3球或以下，今仗屯重兵防守下，3.5球嘅入球細抵玩。