[东方报]世界盃：端午節睇免費波 墨西哥出椒南韓惡啃[06-18]

十七号

聽日端午節假期，墨西哥對南韓免費波陪大家！兩軍於A組首輪同樣獲勝，理論上今場打和都有着數，不過東道主墨西哥要出線之餘，更加希望可以首名出線，之後淘汰賽可以留守「福地」艾茲提卡球場，心態上會比南韓更加積極，主隊小讓平半，上盤玩得過。（Viu TV 99、Now 618、616及馬會指定場外投注處周五早上9時直播）

墨西哥同南韓同樣取得開門紅，唔少外國評論認為，今場和波對雙方都冇壞，而和波賠率亦偏低，只係貼近3倍。不過，今場墨西哥嘅爭勝鬥心，相對比南韓更加高，或者會成為勝負分野。墨西哥於主場球迷面前，當然唔想失威以贏波為目標，今場雖然離開「福地」艾茲提卡球場，移師阿克倫球場比賽，但呢個球場係墨超球隊瓜達拉哈拉主場，「辣椒仔」正選陣容中就有多名瓜軍球員，所以今場儼如「真正主場」出擊。

爭首名出線留守主場作戰
更重要係墨西哥要搶首名，確保出線淘汰賽繼續留守艾茲提卡球場；由於最後一場分組賽鬥捷克唔易踢，若然今場贏波早啲袋住6分，呢組首名席位就更加穩陣。相對嚟講，南韓目前手執3分，出線形勢樂觀，而且最尾一場只係對同組最弱嘅南非，今場心態上唔需要同「辣椒仔」硬碰硬，仲可以留力之後淘汰賽，加上墨西哥近4場全勝只失過1球，小讓平半捧上盤。