[东方报]意甲：國米攻強守弱旺半大[09-14]

august

今輪意甲壓軸戰，國際米蘭主場對烏甸尼斯。上季冠軍國米保持強勢，開鑼後聯賽3戰全勝，應會繼續採取主攻戰術，力爭再下一城。烏甸尼斯狀態不俗，並且踢法開放，唔排除同國米駁火。雙方近5次交鋒有4次上半場總入球開2球或以上，首選1.5球半場大。（Now 638周二凌晨2時45分直播）

國米仍由捷禾執教，人腳變化不大，所以保持水準，聯賽3連勝共攻入8球，包括以3比2擊敗上季亞軍拿玻里，前鋒拿達路馬天尼斯梅開二度。加上馬古斯杜林、查漢奴古等中前場球員亦具備出色射術，上半場攻入烏甸尼斯大門，機會非常大。不過，國米防線唔多穩陣，上周中歐聯作客皇馬，上半場已落後2球，成為輸波主因。甚至聯賽對新升班球隊蒙沙，上半場都失波，烏甸尼斯隨時可以偷襲得手入波。

烏甸火力唔嘢小
事實上，烏甸尼斯今季表現唔錯，主場對歐聯分子科木，領先上半場，作客蒙沙一役，上半場更加領先3比1，可見踢法非常搶韁。中場哈辛卡馬拉腳風非常順，聯賽3戰入2球及1次助攻，前鋒華干巴約早前意大利盃對威尼斯，個人梅開二度，唔好低估烏甸尼斯反擊力。值得一提，烏甸尼斯上季作客以2比1擊敗國米，3個入波都係上半場出現，半場大值博。