[东方报]意甲：米蘭雙雄衝刺 A米爭冠差1分精打細算[05-22]

august

意甲今晚煞科，「米蘭雙雄」為爭奪冠軍作最後衝刺。榜首AC米蘭作客薩斯索羅，佢哋目前領先次席國際米蘭2分，加上對賽成績較佳，今場打和都可以封王，預料會穩陣行先。A米近11場聯賽有10場總入球係3球或以下，中位數3.5球入球細可敲。

根據意甲賽制，兩隊同分會先計對賽成績，「米蘭雙雄」今季聯賽兩次交鋒，A米獲1勝1和，換言之今仗和波添多1分都足夠奪冠。A米狀態相當好，近5仗聯賽全勝，但往往贏得唔多，包括險勝費倫天拿1比0，以及以2比0贏熱拿亞及阿特蘭大。睇番A米近11場聯賽有10場總入球係3球或以下，其中更有9場係2球或以下，嚟到煞科戰關鍵時刻，加上作客，相信A米會特別小心謹慎，避免失波打亂部署，若然取得領先，應該會「拉布」到完場。

薩斯索羅鬥心成疑
薩斯索羅位處中游，已經緣盡下屆歐洲賽，同時又冇降班威脅，成隊等放假鬥心成疑。何況佢哋狀態一般，近5場聯賽僅獲1勝1和3負，預料難以喺防守穩健嘅AC米蘭身上取得入球，細盤博得過。