[东方日报]歐聯:熱刺搶攻大盤掃雷[12-09]

august

生死戰前夕受疫情衝擊
今晚歐協聯G組大戰，次席嘅英超球隊熱刺，主場迎戰已出線嘅雷恩，必求全取3分進身淘汰賽。不過球隊受新冠肺炎疫情衝擊，多名主力未能上陣，今場主場出擊可勝不穩。翻查紀錄，熱刺近8場主場有7次開3球或以上，2.5球入球大似乎係更佳投注選擇。

直至截稿前，熱刺仲未正式公布隊中情況，不過英國傳媒指，孫興民、盧卡斯莫拉、賓戴維斯、基斯甸羅美路、拜恩基爾及艾馬臣艾巴里斯杜都「榜上有名」，熱刺目前同第3名嘅維迪斯同得7分，今場要盡力搶分，領隊干地調兵方面肯定出問題，但好彩球隊仲有哈利卡尼、迪利阿里及尼當比利等，攻力唔成問題，不過防守始終唔太穩陣，即使主場出擊都唔掂，近8場主場賽事只有2場可以保清白之身，其中7場總入球達3球或以上。

對手雷恩今屆歐協聯踢法進取，5戰場場有入波共射入10球，今場冇壓力下，有力喺熱刺身上取得入球，不如捧入球大好過。

維迪斯讓主有揸拿
同組另一場維迪斯主場對梅拿，維迪斯同熱刺同分之餘，對賽成績亦一樣，暫以較差得失球排第3，今場除要全取3分，更希望可以喺榜尾梅拿身上盡量爭取入球，捧讓球主勝。