[东方报]歐國聯：荷蘭大勇格食格可炒波蘭[06-11]

august

今晚歐國聯A4組荷蘭主場對波蘭。荷蘭自尹戈爾回巢後止跌回升，加上近年食住波蘭，直取讓球主勝。

尹戈爾上年第3度入主國家隊，上任後11仗豪取8勝3和，6場主場更獲5勝1和，5場勝仗都至少贏2球，相當對辦。佢哋今屆歐國聯首輪作客大炒比利時4比1，上仗派出副選亦以2比1挫威爾斯，霸氣盡現。波蘭首輪幸運反勝威爾斯2比1，上仗對住比利時即慘敗1比6，加上近5次對「橙軍」全敗，今仗凶多吉少。

威爾斯比利時半場做大騷
同組同時間開波仲有威爾斯主場對比利時，威爾斯喺世盃附贏波出線後，日前歐國聯對住荷蘭，踢到補時兩分鐘一度扳平1比1，但最後遭荷蘭絕殺輸1比2，仍足見球員鬥心十足。比利時上仗大捷成功反彈，但佢哋攻強守弱，近7仗只得一場冇失波，雙方近3次碰頭，半場全開2球或以上，1.5球半場大值博。