[东方报]歐國聯：匈牙利細抗日耳曼進襲[06-11]

august

今晚歐國聯A3組，匈牙利主場挑戰德國。匈牙利首仗主場1比0擊敗英格蘭，主帥馬高羅斯戰術奏效，預料會繼續用穩健踢法應付「日耳曼兵團」，加上佢哋近4仗主場有3次開2球或以下，可博2.5球入球細。

匈牙利自2018年由馬高羅斯接手領軍後，表現愈來愈好，上年歐國盃分組賽曾經打和德國及法國。馬高羅斯擅長以穩守突擊戰術同勁旅周旋，首輪擊敗英格蘭充滿驚喜，上場作客1比2僅負意大利亦唔失禮，不過佢哋火力有待提升，近4次主場有兩場未能入波，想喺德國身上搵到入波並唔易。

德國未開齋把握力出問題
德國首仗踢和意大利1比1，雖然該仗優勢明顯，始終欠缺埋門一腳，上輪主場領先下亦遭英格蘭逼和1比1，兩戰仲未開齋，把握力問題再次浮現。主帥費歷克上年接手後「蜜月期」已過，今仗咪高估，寧博入球細。