[东方报]歐冠：撐薩格勒布地頭贏波[08-23]

august

今晚歐聯附加賽次回合，克羅地亞班霸薩格勒布戴拿模返主場，再鬥挪超勁旅波杜基林特。波杜基林特雖然首回合贏波，但每逢歐聯客場表現奇差，造訪歐洲賽常客薩格勒布戴拿模，預計今仗凶多吉少，捧番薩格勒布戴拿模主勝。（周四凌晨3時開賽）

波杜基林特於首回合憑艾馬柏歷堅奴一箭定江山，喺主場贏1比0先拔頭籌；雖然呢支挪超新貴上屆殺入歐協聯8強，但出戰更高水平嘅歐聯，明顯經驗唔夠，尤其係客場演出差勁，連同上屆在內，近4仗歐聯作客只得1和3負，包括今屆歐聯外造訪弱旅連菲特及基卡拉斯域卡均輸波而回，要靠返主場先至收復失地晉級，不宜高估。

另邊廂，薩格勒布戴拿模絕對係歐洲賽常客，之前6屆歐聯3度殺入分組賽，首回合因作客而踢得較為保守，為爭出線今仗必定搶攻。查實薩格勒布戴拿模近5仗歐聯錄得3勝1和僅1敗，只得1仗食白果，攻力有保證，遇上「客場蟲」波杜基林特，薩格勒布戴拿模藉地利有力反勝晉級，主勝咪錯過。