[东方报]西甲：巴塞半場速食華拉度列[08-28]

august

今晚西甲雙雄巴塞同皇馬分途出擊，其中巴塞於主場迎戰華拉度列。巴塞新兵羅拔利雲度夫斯基上仗聯賽省兩粒，極速融入，加上近年習慣速食華拉度列，半場主勝捧得過。

巴塞首輪悶和華歷簡奴0比0，好彩上仗作客皇蘇即刻反彈，憑新加盟嘅「羅拔佬」於正式賽事開齋入夠兩粒，加上傷愈冇耐嘅神童安素法迪，後備落場入波兼兩度助攻，最終大勝4比1，似乎兩人都幾夾。主帥沙維賽後大讚當日壽星公「羅拔佬」係天生領袖，識得點樣搵到空位作致命一擊，而法蘭基迪莊代替停賽嘅隊長布斯基斯，令中場組織更加暢順，配合奧士文尼迪比利、費倫托利斯等，火力全開。

今季重返西甲嘅華拉度列頭兩輪1和1負，今仗仲有後衞耶美基坐波監，雪上加霜。翻查紀錄，兩軍近5次碰頭，巴塞贏晒之餘，其中4次上半場已經領先，今仗隨時再玩速戰速決，半場主勝可取。

皇馬客Ｗ「愛」得過
至於尾場皇馬作客愛斯賓奴，皇馬季前喺歐超盃擊敗法蘭克福，先聲奪人，西甲開咧連勝艾美利亞及切爾達；雖然巴西中場卡斯米路離隊，但新兵曹亞文尼上仗順利接班，法國箭頭賓施馬啱啱獲頒歐洲足協年度最佳球員獎，今仗自然要爭取入球慶祝。愛斯賓奴頭2輪1和1負共失4球，頂唔住皇馬強攻，何況近6次交手輸5次，擺明畀皇馬食住，客勝熱得有道理。