[东方报]意甲：羅馬見好就收半細啱數[08-30]

august

周三凌晨意甲大戰，啱啱喺聯賽作客1比1逼和祖雲達斯嘅羅馬，將回師主場迎戰新升班嘅蒙沙。羅馬今季積極增兵，被視為冠軍有力挑戰者，教練摩連奴進一步鞏固羅馬防守，將「效率足球」發揮得淋漓盡致，1.5球嘅半場細係明智之選。

羅馬今季引入保羅戴巴拿、尼曼查馬迪、韋拿杜姆等球星，但韋拿杜姆未上陣已重傷，削弱球隊中場入球及創造力，日前加盟嘅前鋒比洛迪亦冇咁快上陣。羅馬陣中唔缺少人才，但最大賣點始終都係教頭摩連奴，「寸王」嘅效率足球重質不重量，頭兩輪對沙蘭力坦拿同克雷莫納都係小勝1比0，只求勝利不求華麗。事實上羅馬上季聯賽6次對住升班球隊，有4次半場總入球開1球或以下，可見羅馬面對實力較弱球隊，亦冇乜搶攻意欲。

蒙沙作客必死守
新升班嘅蒙沙開季3戰全敗，為打破頹勢今場作客必定死守，希望以第1分作為目標。蒙沙嘅3-5-2陣式偏重防守，球員喺上半場氣力充沛之下，往往可以同對手拉近距離，今場頭45分鐘有力抵擋羅馬進襲，開半場細機會甚高。