[东方报]歐冠：新帥求穩陣車仔細盤薩敵[09-14]

august

今晚歐聯E組激戰，車路士換帥後再上征途，主場迎戰薩爾斯堡。車路士首輪作客不敵薩格勒布戴拿模，賽後領隊杜曹立刻被炒，會方從白禮頓撬入樸達，由於事出倉卒，將帥磨合需時，預計今場都係穩字行頭，一於捧3.5球入球細。

樸達接手先要改善後防
車仔上周怒炒杜曹，唔夠48小時就宣布由樸達接手。樸達喺白禮頓都係用緊傳控戰術，同車仔本身踢開嘅差唔多，不過能否「無縫銜接」言之尚早，由於英超暫停，樸達首場領軍就係歐聯，做打工仔嘅梗係醒醒定定，最緊要唔好輸，否則換嚟一句「咪一樣」，都幾冇癮。車仔今季後防不穩影響成績，連歐聯在內7場得1場冇失波，合共失咗10粒，預料樸達會作出針對性部署，夏天從白禮頓轉投車仔嘅古古列拿，同樸達故劍重逢，可望繼續獲得重用。

薩爾斯堡近年係歐聯常客，但實力同傳統歐洲勁旅有段距離，佢哋亦有自知之明，唔會同人鬥攻，上輪主場就同AC米蘭踢成1比1，近5場歐聯有4場總入球開2球或以下，今場寧捧入球細好過。