[东方报]英超：阿仙奴賓福特大火併[09-18]

august

今晚英超早場賓福特主場對阿仙奴，賓福特表現予人驚喜，大炒曼聯令人留下深刻印象；「兵工廠」踢法主動，近5仗聯賽全開3球或以上，今仗雙方鬥攻，2.5球大盤有計。

英超各豪門都要為主力被徵召應付國際賽而頭痛，但「兵工廠」就少咗好多煩惱，事關佢哋陣中巴西國腳加比爾捷西斯、加比爾馬天尼利、加比爾馬加希斯未有入選今次國際賽名單，可專注出戰英超，為領隊阿迪達提供充足兵源。

阿仙奴今季表現亦無可挑剔，開季聯賽5連勝氣勢如虹，雖然之後不敵曼聯連勝斷纜，但好快就喺歐霸盃擊敗蘇黎世重回勝軌，上周英超及歐霸延期令球隊得以休養生息，早前受傷嘅湯馬士柏迪已經復操，今場將可候命，令「兵工廠」以完整陣容出戰。

艾雲東尼腳風順
賓福特聯賽2勝3和1負，並時有佳作，季初大炒曼聯4比0之後，上仗又大炒列斯聯5比2，聯賽6仗攻入15球，踢法極富娛樂性；剛入選英格蘭代表隊嘅艾雲東尼累積攻入5球，腳風奇順，另外尤尼韋沙、麥比奧莫同祖殊達施華都有數胡能力，不容小覷，今場捧大盤啱數。