[东方报]歐國聯：匈牙利「第一隊入球」值博[09-23]

august

世盃臨近德國勒住踢
歐國聯A3組榜首大戰，德國主場迎戰匈牙利，兩隊首循環踢成1比1，德國今仗優勢並不明顯，依家排榜首嘅匈牙利上輪作客大炒英格蘭4比0，踢法極具侵略性，而且佢哋近5仗4次先入球，德軍球員錫身隨時畀對手得米，一於冷敲匈牙利「第一隊入球」。

德國主要目標係世盃，將利用今次歐國聯檔期作最後檢閱，主帥費歷克今次點兵基本上係世盃腹稿，不過「門神」紐亞同幾位主力因傷病退隊（見另文），德軍臨時補選幾個新人頂上，陣容唔太完整，攻守實力都打折扣，而且世盃臨近，今仗落場主力避免踢太公波受傷，可能較錫身。

匈牙利升班後屢有驚喜
反觀匈牙利並無世盃後顧，可盡情發揮，佢哋今屆升班後不斷製造驚喜，包括在小組賽主客兩勝英格蘭，包括上仗作客大勝英格蘭4比0，上次同德國交手，匈牙利開賽僅6分鐘即攻破德國大門，最終踢成1比1平手，今仗再交鋒，匈牙利絕對有條件反客為主，趁紐亞缺陣喺前線搵着數，先入波不足為奇。