[东方报]英超：利物浦白禮頓大火併[10-01]

august

開季表現下滑嘅利物浦，今晚主場迎戰啱啱易帥嘅白禮頓，兩隊踢法都係進取型，今仗交鋒勢必大踢進攻足球。「紅軍」霸氣雖然減弱，但火力仍然旺盛，佢哋近6仗有5次總入球開3球或以上，中位數2.5球大盤值得再追。

利物浦喺傷兵問題影響下，今季表現較為飄忽，不過主場出擊仍然靠得住，球隊近3仗主場全勝兼攻入13球，前鋒穆罕默德沙拿、路爾斯戴亞斯等攻擊球員係入球保證，為免被前列球隊進一步拋離，今仗喺晏菲路出擊肯定火力全開，爭取勝仗袋晒3分。

海鷗新帥崇尚進攻
白禮頓已經差唔多一個月未有賽事，期間陣營亦有唔少變動，包括領隊樸達被車路士挖角。不過「海鷗」隨即聘用迪薩比接任，呢位意大利教頭同樣以進攻踢法聞名，執教風格與樸達相近，預計白禮頓嘅進取踢法會繼續維持，佢哋對上一仗大炒李斯特城5比2，進攻板斧甚多，今場有信心再同利物浦駁火，要入球大穩陣。