[东方报]西甲：皇馬奧沙鬥攻吼半場大[10-02]

august

今晚西甲壓軸尾場，榜首皇家馬德里主場迎戰奧沙辛拿。「銀河艦隊」連贏9場，箭頭賓施馬亦傷愈可候命，初段例搶韁，不過奧沙辛拿都有頑抗能力，隨時開波後谷一段博偷雞，1.5球半場大更可取。

皇馬由費達歷高華維迪、雲尼斯奧斯祖利亞及洛迪高高斯輪流發威，開季各項賽事豪取9連勝，單計聯賽更連贏6仗，包括上輪打吡擊敗馬體會，係今季歐洲5大聯賽唯一全勝之師，而各項賽事9連勝更加係佢哋逾半世紀最佳開季紀錄，氣勢如虹。

銀河艦隊防線有漏洞
主帥安察洛堤賽前亦收到好消息，賓施馬已傷愈復操，今仗可隨時候命，攻力進一步提升。不過皇馬後防並非滴水不漏，今季6仗聯賽均未能保持清白身之餘，近5仗聯賽半場全開2球或以上，其中4仗喺上半場有失波，可見防線唔夠集中。

另一邊廂，奧沙辛拿開季6仗聯賽錄4勝2負，包括贏過西維爾同華歷簡奴，表現唔錯，今仗可趁皇馬未企穩陣腳，喺初段搶攻博偷雞，半場大有計。